Chrylei Criox’s Pov (Knight of Shield)
Hindi pa man sumisikat kinabukasan ay agad na naming pinuntahan ang mga kaibigan namin na nasa ibang grupo gamit ang gate.
Gulat nga silang napapatingin sa akin sa tuwing lalabas ako sa mga karwaheng dala nila at nakakahinga naman ako ng maluwag kapag nakikita kong kumpleto sila.
Ngunit iba ang aking naramdaman nang dumating kami sa magical stone mine kung saan nagtungo ang grupo ni Honaira.
“Anong nangyari dito?” tanong ko nang makitang nagkukumpulan sila isang gilid. Agad ko silang hinawi at nakita ko si Honaira na walang malay. “Anong nangyari sa kanya?”
“Hindi din namin alam.” sabi ni Cali. “Nagpaalam siyang maglilibot pa sa loob ng minahan ngunit masyado nang matagal nang humiwalay siya kaya agad na namin siyang hinanap.”
