“Kaloka ka kapatid! Anong chikinini? Kagat ‘yan ng lamok oi! Pinapak ako ng lamok kagabi! Madaling araw na nga ako nagising at nag-iisa na lang ako sa dalampasigan! Ang mga walang hiyang tauhan ni Sir Gerard, iniwan ako!” nangagalaiting saad ni Brendan.
“Huwag mo nga akong niloloko, Brendan! Chikinini ‘yan!”
Hindi talaga kumbinsido si Bernice sa palusot ng kakambal. Kahit naman hindi malawak ang experience niya sa lalaki ay hindi naman siya kahapon lang pinanganak.
“Eh di ikaw na lang maging ako! Kaloka ka Bernice! Tigilan mo na ako at kailangan ko na magbihis at iligpit ang mga gamit ko. Mas mabuti pa ay bumaba ka na at tulungan ang mga matatanda na maghanda ng almusal sa kusina at nang magkasilbi ka naman.”
Tinulak na ni Brendan si Bernice palabas ng kwarto nila at sinara kaagad an
