Bumalik na ako sa loob ng bahay. Bumungad kaagad si Aleng Marites sa’kin, at ang kaibigan ni Tiyo Delfo na sa naaalala kong pangalan ay Teodoro. Napaiwas ako ng tingin sa kanya at tinignan na lamang si Aleng Marites.
“Mano po,” bulong ko at nagmano kay Aleng Marites. Nakangiti siya sa’kin ngayon at tinapik ang balikat ko. “May pupuntahan muna ako sa tiyanggean, Amethyst, ah? Babalik din ako kaagad.”
“Sige po,” magalang kong sagot sa kanya at napatingin na rin kay Teodoro, hinihintay na sumama din siya kay Aleng Marites. Pero wala siyang ginawa kung hindi ang tumitig sa’kin at sumilay ang nakakapanindig balahibo niyang ngisi.
Napapitlag ako at gusto nang sumama kay Aleng Marites. Huli na ang lahat dahil umalis na siya at sobrang bagal kong mag-reak.
“Hindi po ba kayo aalis?” magalang
