Matapos ang hapunan ay nagpaalam na ako sa ibang kasambahay na aakyat na sa aking silid upang makapagpahinga.
Tahimik kong tinahak ang hagdan patungo sa aking silid.Ngunit bago pa man ako tuluyang makaliko sa unang baitang ng hagdan ay natanaw ko sina Lola Mercedita at Lucio sa malawak na veranda ng mansiyon.
Nakaupo si Lola Mercedita sa kanyang paboritong rattan chair habang dahan-dahang umiinom ng mainit na tea.Samantalang si Lucio naman ay nakatayo sa may rehas ng veranda.Nakatalikod ito ang isang kamay ang nakapasok sa bulsa ng pantalon habang ang isa ay may hawak na sigarilyo. Paminsan-minsa'y bumubuga siya ng manipis na usok na mabilis ding nilalamon ng malamig na simoy ng hangin.
Hindi ko maiwasang mapatitig sa kanyang malapad na likod.
Muli kong naalala ang nangyari sa aking si
