Prologue
Madilim....
Nagising ang sampong taong gulang na si Aya dahil sa tahol sa kanya ng alagang tuta ng bunsong kapatid
"Aso." Tawag niya sa tuta at niyakap ito. "Tama na."
Parang naiintindihan naman siya ng tuta at tumigil na ito sa pagtahol.
Dahil sa katahimikan ay naalala niya ang bilin sa kanya ng kanyang ama na huwag siyang aalis doon sa kinaroonan niya hanggat may ingay pa sa labas ngunit ngayon ay ni insikto, palaka o kahit panggabing ibon ay wala siyang naririnig.
Ano na ba ang nangyari? Naitanong niya sa sarili.
Karga ang tuta ay nangapa siya papunta sa kinaruroonan ng lagusan palabas ng pinagtataguan niya.
Madalas sila dito ng kanyang kapatid kaya kahit na wala siyang nakikita ay alam niya kung saan siya lalabas.
Paglabas niya ay sumalubong sa kanya ang liwanag na nagmumula sa bilog na buwan at tumatagos sa sira-sirang mga bintana ng munti nilang tahanan.
"Ina...Ama...." Iyak niya habang nilalampasan ang nagkalat na mga kagamitan sa loob ng bahay.
Parang niyugyog ang kanilang bahay ng isang higante at wala sa ayos ang lahat.
Maging ang tutang yakap-yakap niya tila nakikiiyak narin sa kanya.
Lumabas siya ng kanilang bahay, sa sinag ng buwan ay parang nanlambot ang kanyang nga buto sa nasasaksihan.
Napaluhod siya at nabitiwan ang tuta. Sa kanyang harapan ay nagkalat ang mga bangkay ng kanilang mga kanayon.
"A-ano...."
Simula noon pa man ay alam na ni Aya ang kalupitan ng lahi ng mga tao sa tulad niyang kambitan o nilalang na may kakayahang magpalabas ng isang alaga na nagtataglay ng salamangka.
Hindi niya akalain na dadating ang araw na matatagpuan ng mga tao ang kanilang nayon na sadyang nasa pusod na ng kagutan upang makalayo sa anumang panganib na dala ng mga ito.
Paano nag-umpisa ang lahat ng ito? Paanong humantong sa ganito ang naging kapalaran ng kanilang lahi na kung tutuusin ay higit namang mas malakas kaysa sa mga tao?
--------
My big THANK YOU to the following people for the honest opinions.
sweetdeath__
loveranchez
cuteroanne
Psyche_sweet
StandstillGirl
I decided to change the intro
Hoping to still have your comments...
--------
This is a work of fiction. Names, characters, businesses, places, events, locales, and incidents are either the products of the author's imagination or used in a fictitious manner. Any resemblance to actual persons, living or dead, or actual events is purely coincidental.
