Kung si Arwena at Tandre ay nahihirapan na huminga dahil sa ayos nila, si Nathan naman ay nag-uumapaw ang saya. Hindi mawala-wala ang ngiti ng bata.
Pigil na napabuga na lang ng hangin si Arwena. Alam naman niya na masaya si Nathan na kilalaning ama si Archie. Ni minsan ay hindi nga rin ito nagkulang; pinaramdam ni Archie kay Nathan ang pagmamahal ng isang ama, ngunit iba ang saya na nakikita ni Arwena sa Anak niya ngayon. Saya na hindi nila kayang ibigay kay Nathan—saya na si Tandre lang ang may kayang magparamdam sa bata.
Parehong hindi maalis ang tingin ni Arwena at Tandre sa Anak nila. Kitang-kita nila na kahit nakapikit na ang mga mata ng bata ay nakangiti pa rin; masaya pa rin. At ang saya na nararamdaman at nakikita nila kay Nathan ay siyang nagpakalma sa mga puso nilang nagwawa
