Sandaling lumaki ang mga mata ni Archie, at maya maya ay pumikit. Nagkunwaring tulog para maiwasan ang nanlilisik na mga mata ni Arwena.
“Bakit bumalik ka agad?" tanong ni Mr. Tan kay Arwena. Nilingon niya rin sandali si Archie na nagtutulog-tulugan bigla. “Kumusta si Nathan?” dagdag tanong pa ni Mr. Tan kay Arwena.
Hindi pa rin kasi ito nagsalita at hindi umalis sa bungad ng pinto. Ang tingin ay nasa kaibigan na parang ang buong katawan ang may casts. Straight na straight at walang ka galaw-galaw.
“Okay lang si Nathan, mahimbing ang pa rin ang tulog." Kahit naiinis si Arwena sa kaibigang si Archie, sinagot pa rin naman niya ng maayos si Mr. Tan.
Gusto na rin kasi niya munang ipahinga ang utak na kanina pa nag-iisip, kung ano pa maaring mangyari sa susunod, at gusto niya munang hum
