“Janica!” Patakbong pumasok si Becca sa kwarto ng alaga niya nang marinig ang sigaw nito. “W-what happened?” naguguluhang tanong niya, pero ang tingin ay na kay Mr. Tan na alam niyang galit na rin katulad ni Janica. Ang ipinagkaiba lang nila ay nanatililing tahimik si Mr. Tan.
Ang matalim na tingin niya lang kay Janica at ang gumalaw-galaw na panga ang nagpatunay na matindi rin ang galit nito. Nanginginig na nga ang kuyom nitong kamao na parang gusto nang manuntok.
“Answer me, Tandre!” sigaw ulit ni Janica. “Dahil sa kanya! Because of that b*tch!”
“Janica, shut up!” pigil na sikmat ng manager. Dinuro na niya si Janica. Saka naman nito natiim ang labi. Pinaalahanan niya pa ito kanina. Pero sandali lang siya nawala ay ganito na ang nangyayari.
“Mr. Tan, hindi ko alam, kung ano ang nangy
