SHE SHOULD be proud of herself.
Nakayanan niyang hindi magpadala sa tukso kanina kay Daniel. At ang mas importante—nakayanan niyang mag-walk out dito.
Hindi sa lahat ng pagkakataon kaya niyang gawin ’yon. Lalo na kung ang kaharap ay ang lalaking kayang magpahina sa kanya ng lubusan. Ilang beses na ba niyang pinayagan ang sarili na bumigay? Ilang beses na ba niyang binigyan ng dahilan si Daniel para manatili sa buhay niya kahit walang malinaw na dahilan para gawin iyon?
Pero ngayon… nakayanan niya.
At kaya nga heto siya, mag-isang isine-celebrate ang pagtanggi niya kay Daniel—na para bang isang malaking event iyon sa buhay niya. Para bang kasing laki ng pagtatapos sa kolehiyo, o ’di kaya’y pagkapanalo sa isang kompetisyon. Ang simple niyang “no” kanina ay parang milestone sa personal gr
