"SO, okay lang ba sa ’yo ang no label relationship?"
Pinaikutan ni Erin ng mata si Loisa na kasalukuyang nakaupo sa harap ng malaking vanity mirror nito. Busy na busy ang kaibigan sa pagpapaganda ng sarili—parang isang artista na naghahanda para sa red carpet. Mahigit isang oras na yata itong nakaupo roon, pinag-iisa-isa ang lipstick shades bago magdesisyon kung alin ang bagay sa kanya ngayong gabi. At kilala niya si Loisa—hindi aalis ’yan hangga’t hindi on point ang seductive look niya.
Of course, she had to be very seductive every Friday night. Para pak ang awra. Para pagdating sa baba, kahit sino pang lalaki ang makakita, mapapalingon.
"Bakit may pag-irap?" amused na tanong ni Loisa, habang nakaupo sa kama at isinusuot ang isang pares ng sleek na itim na high heels. Mukhang bago pa a
