"Puro ka naman kalokohan, Sir!" sikmat niya. "Do'n ka na nga sa sofa." Turo niya ang sofa.
"Ayoko, dito lang ako. Ayokong sumakit ang katawan ko!" madiin kong sabi.
Akmang uupo na ako sa kama. Pero tinulak niya ako. "Do'n ka na nga, Sir. Bahala ka na kung paano mo isiksik ang sarili mo do'n. Wala ka sa ayos, sir!" pabulong niyang maktol. Umikot pa ang mga mata.
"Sino ba ang may ayaw na humiga ako sa sofa, hindi ba kayo? Tapos ngayon, may pamaktol-maktol ka na. Ikaw ang wala sa ayos," kunwari inis kong tugon.
Baka sakaling magbago ang isip at payagan akong humiga sa tabi niya. Pero wala na talagang pag-asa. Ang haba na ng nguso.
Mahinang tawa naman ang narinig namin mula kay Mercy na lalong ikinainis ni Arrianne.
"Tawa-tawa ka d'yan, Ate Mercy, halika na nga rito, si Sir Danny na d'
