“Alam mo, nag-aalala ako na baka maaga kang kunin ni Lord, Sir Allen,” wika ni Angela habang naglalakad sila nito pauwi.
Kagagaling lang nila sa bahay nina Melva at Badong dahil dinalhan niya ang mga ito ng dalawang sakong bigas, mga grocery at perang pandagdag sa paninda nitong mga prutas.
“Ang bait mo sa iba pero sa akin kulang na lang sipsipin mo ‘tong dugo ko hanggang sa ma-low blood ako at mamatay,” hinaing nito. “Ibang klase ka rin talaga, eh. Kapag ako, nakasimangot ka palagi tapos kapag sa ibang tao halos humiwalay ‘yang mga ngipin mo sa bagang mo sa sobrang saya.”
“Kung gusto mong matuwa ako sa iyo, baguhin mo ‘yang sarili mo,” suplado niyang sabi rito.
“Bakit ko naman babaguhin ang sarili ko? Hindi mo ba alam na pinapangarap ako ng ibang tao? Sinasabi nila na sana raw ay k
