Inabot yata kami ng mahigit isang oras sa restaurant dahil sa kakulitan at kadaldalan ni Siob. Kahit si Mitz ay hindi makakain ng maayos dahil sa kakatawa sa mga sinasabi n’ya.
“You know what I’ve noticed in their rooms here?” medyo mahinang tanong na naman ni Siob kaya kulang na lang ay umikot ang mga mata ko. Medyo humilig pa s’ya sa table para kami-kami lang talaga ang makarinig ng mga sinasabi n’ya. “Their bathtub here is really small. Just about this size,” sabi n’ya pa at saka nilahad ang mga braso para dumipa. “Pang kina Jen at Sven lang… este! Pang mga single lang!” dagdag n’ya pa at pilyang ngumisi. Hindi mapigil ni Mitz ang kakatawa kaya binalingan n’ya ng pansin. “Why are you laughing, Mitz? Siguro naka relate ka sa sentiments ko ano? Did you two try to take a bath together las
