Nagulo na naman ang sistema ko nang magdeklara si Charles na dito raw siya matutulog. Hindi ako makatanggi lalo nang malaman niyang mag-isa lang ako rito ngayon.
“What did you have for dinner?” tanong nito.
“H-hindi pa ako kumakain kasi isasara ko sana iyong gate kanina noong dumating si Sander,” sagot ko. Pero parang mali yata iyong sagot ko dahil kumunot na naman iyong noo niya at parang galit na naman.
“Ano’ng oras na hindi ka pa kumakain?” galit na asik nito.
“Ano’ng ikinagagalit mo? Saka wala naman akong kasama kaya hindi na ako nagluto. Hindi naman siguro ako mamatay kung hindi ako kakain ng isang gabi!” katuwiran ko sa kanya saka ako nagmartsa pupunta sa kuwarto ko pero napahinto ako nang bigla niyang hawakan ang kamay ko at pigilan ako.
“Let’s eat!” malumanay na pahayag nito.
