Kanina pa siya nakatanga habang nakatitig sa suot niyang singsing, hanggang ngayon ay hindi pa rin siya makapaniwala sa nangyari kagabi. Natatakot nga siyang matulog dahil ayaw niyang magising sa isang napakagandang panaginip pero ng magising siya kanina at agad na tiningnan ang suot na singsing niya sigurado na siya sa kanyang sarili na hindi nga siya nananaginip.
“Good morning Mama.” Bati ni London sa kanya na katabi lang niyang matulog. Nasa isang silid sila ng malaking bahay ng mga Libiran… yeah… Libiran. Malapit na siyang maging Libiran, malapit na siyang mapabilang sa pamilya ni Eon. “The ring is so pretty po Mama hindi ba?”
Ngumiti siya sa anak niya at tumango. “Papa asked us what ring you like and we choose it for Papa.” Mas lalong napangiti siy
