Hindi mapigil ni Bianca na umiyak habang nakaupo sa sahig ng treehouse. Yakap niya ang nakabaluktot na tuhod at malungkot na nakatanaw sa bahagi ng Lianzares Farm kung saan nakikita ang bahagi ng villa.
Nasasaktan pa rin siya sa ipinagtapat ni Luke. Hindi siya ang babaeng gusto nito. At ang masakit, siya pa ang tumulong para sagutin ito ni Elise. Masyado kasi siyang umasa na siya ang babaeng gusto nito. Napakalaki pala niyang tanga.
Napalingon siya nang marinig na umingit ang sahig ng treehouse at may mga yabag. Naroon si Brant at pinagmamasdan siya.
“Bakit ka nagmumukmok dito?” tanong nito.
Mabilis niyang pinahid ang luha. “P-Paano kang nakaakyat?”
Iniakyat niya ang hagdan na lubid at ang hagdan na kahoy na ginamit niya kanina para matiyak na walang iistorbo sa kanya.
Gusto niyang
