MABILIS lumipas ang mga araw. Katulad ng ipinangako ni Noel, sa isla sila nanirahan ni Sheena. Nagpatuloy ang mga ito sa gawain sa isla. Paminsan-minsan ay sumasama sila sa mga mangingisda sa laot para mangisda. Nagpatuloy din sila sa pag-aani ng gulay. May mga bagong tanim na rin ang mga itong gulay na inaalagaan nilang mag-asawa.
Simple lang ang pamumuhay nila dito. Sakto lang ang kinikita ng mga tinitindang isda at gulay ni aling Lidia sa palengke na sinasamahan nila kapag hindi sila puyat. Pero kahit gano'n, napakasaya ng pagsasama nilang dalawa. Sa bawat pagdaan ng araw ay mas nakikilala ni Sheena at Noel ang isa't-isa.
“Sigurado ka na ba, mahal? Ipagpapalit mo ang nakagisnan mong buhay sa syudad, at dito na sa isla Monteverdi manirahan?” tanong ni Sheena habang nakayakap si Noel
