HABANG kumakain sila Sheena at Noel ay napansin ni Noel na tahimik ang asawa nito.
“What's wrong, mahal? Hindi mo ba nagustuhan ang niluto ko?” tanong ni Noel dito.
“Ha?”
Inginuso nito ang plato ni Sheena na ikinasunod nito ng tingin.
“Ah, hindi naman sa gano'n, mahal. Nagustuhan ko. May iniisip lang ako,” sagot ni Sheena na ikinakunot ng noo nito.
“Katulad ng?”
Uminom ng tubig si Sheena na napahingang malalim at tumitig ng diretso sa mga mata. Napalunok naman si Noel na binundol ng kaba sa dibdib.
“Naisip-isip ko kasi, mahal. ‘Yong tungkol sa alok mo sa akin noong una. Na pagandahin natin itong isla para dagsahin ng mga turista.” Wika ni Sheena dito na napipilan.
Pilit ngumiti si Sheena na inabot ang kamay nito at marahang pinisil.
“Gusto mo pa rin bang ituloy iyon, mahal
