NAPATINGIN ako sa repleksyon ko sa salamin. Kakatapos ko lang maligo at magbihis.
Nagulat ako dahil may bagong panty at bra do'n sa banyo, at isang sleeveless dress na kulay red na may mga disenyong rosas sa laylayan nito. Kasya sa'kin 'to maging ang underwear na binigay nila.
"Saan kaya nila nilagay mga damit ko?" tanong ko sa sarili habang inaayos ang dress na suot.
"Pina-laundry namin sa baba.."
Napatalon ako sa gulat dahil sa nagsalita sa likod ko. Nakita kong si Rafael 'yon na nasa pintuan at nakahilig habang pinagmamasdan ako.
"Nandyan ka pala!" sabi ko rito habang nakahawak sa dibdib ko.
"Yeah.." simpleng sagot niya.
Umayos siya ng pagkakatayo at sinenyasan ang labas, "Tara na. Dinner is ready.." aniya.
Tumango ako at sumunod na sakanya palabas ng banyo para pumunta ng kusi
