27
Suzy
Tulad ng inaasahan, nag-enjoy kaming barkada. Nagtatampisaw kami sa tubig nang mapasigaw si Andrea habang nakatingin sa hindi kalayuan.
"Kuya, ano 'ng ginagawa mo rito?" Halata ang gulat sa mukha niya na para bang hindi niya inaasahan ang pagdating ng kapatid.
Nakangising lumapit sa amin si Mervin. "Bawal ba akong sumunod, bunso?" Agad kumunot ang noo niya nang mapatingin sa akin. I can't blame him. I am only wearing one piece na may nakapatong lang sa beywang na see-through.
"Sabi ko naman sa 'yo ayos lang ako. Hindi mo na ako kailangang bantayan," aniya sa kuya niya habang nakanguso.
Ginulo ni Mervin ang buhok ng kapatid at sinabi, "Alam ko naman iyon. Alam kong hindi ka rin pababayaan ni Devin pero iba ang dahilan kaya ako nandito."
Naguguluhan siyang pinagmasdan ng kapat
