28
Suzy
Napatingin ako kay Mervin nang humigpit ang hawak niya sa kamay ko. Tipid na ngiti ang ginawad niya kaya hindi ko naiwasang hindi rin mapangiti. Huminga ako nang malalim bago binuksan ang pinto kung saan nakita ko si Luis Barnuevo.
Ilang ulit kong binalak na mag-back out. Ilang ulit kong pinag-isipan ulit ang tungkol sa pakikipag-usap sa kaniya pero ito ako. Hindi ako makapaniwalang nasa harap ko na siya. Ang isa sa mga Barnuevo – ang pumatay sa Mama ko.
"Luis," bulong ko.
Itinaas niya ang tingin niya nang marinig ako. Nakatali ang dalawa niyang kamay sa chain na nakasabit sa kisame. Maraming latay ang katawan niya na para bang ilang ulit siyang pinahirapan.
May mga galos din siya sa mukha. Hindi na niya nga halos mabuksan ang kaliwa niyang mata dahil sa malaking pasa roon. P
