21
Suzy
Malakas akong napabuntong-hininga matapos ang defense namin. Sa wakas! Tapos na ang buong defense sa taong ito. Makapagpapahinga na ang utak ko kahit sandali bago sumabak sa panibagong subok.
Nakita kong nakahinga rin nang maluwag sina Gerimhae at Larianne matapos sila. Ito na lang kasi talaga ang nagpapahirap sa 'min.
"Ano 'ng gusto niyong kainin?" tanong ni Gerimhae.
"Kahit ano! Basta malagyan ng pagkain ang tiyan," sagot ni Larianne.
"Same," tipid na sagot ko. Nawalan na yata talaga ako ng lakas kahit na magsalita man lang. Kailangan ko ng energy.
Palabas na kami ng kwarto pero parang gusto ko na lang mag-teleport. Hapong-hapo na rin kasi talaga ako. Sobrang nakakapagod ngayon. Idagdag pa itong kakaibang init na nararamdaman ko. Bakit ang weird ng panahon sa lugar na 'to?
