22
Suzy
"So, bakit mo nga siya iniiwasan?" taas-kilay na tanong ni Larianne. Ngayon, alam ko na kung gaano siya kataray at kachismosa.
Hindi ko lang masyadong pinapansin noon pero ramdam ko na. Madalas niya akong tarayan kahit na wala naman akong sinasabi. Ganoon din siya kay Gerimhae na mukhang sanay na rin naman. Chismosa rin siya gaya na lang ngayon.
"Kasi nga naiilang ako! Hindi pa ba sapat na dahilan 'yon?" nakangusong sagot ko. Iyon naman kasi talaga ang dahilan. Hindi ko lang alam kung bakit kailangan pa niya akong kulitin.
"Talaga ba? Kaya pala napapansin kong kung saan-saan mo kami hinihila bigla. Iyon pala ay iniiwasan mo na 'yong tao!"
"Napansin ko rin 'yan. Akala ko ay talagang ngayon mo lang naranasan ang mga booths kaya excited ka. Pero nang snob-in mo siya kaninang lun
