Chapter 36
There’s a reason for everything
Suzy
Nakapangalumbaba ako sa harap ng hapag-kainan nang bigla akong pinagalitan ni Larianne.
“Tanggalin mo nga iyang pagkakapangalumbaba mo. Hindi mo ba alam na masama ang nakapangalumbaba sa harap ng hapag? Tatakbuhan ka ng pagkain, sige ka.”
Dahan-dahan ko naman iyong tinanggal bago tinitigan ang pagkain ko. “Mukhang pati pagkain ay tinatakbuhan ako ah?” Napabuntonghininga na lang ako at sinubukan kumain pero hindi talaga tinatanggap ng tiyan ko.
“Ano ba kasi ang problema ninyong dalawa?” tanong ni Gerimhae. “Kung ayon lang naman sa nakaraang sagutan niyo, hindi ba parang ang childish naman pakinggan? I mean, hindi ko alam ang buong kwento pero may iba pa bang nangyari bukod doon na hindi namin alam?”
Malakas akong napabuga ng hangin at
