Chapter 40
Arianna's POV
Nilingon ko si Jackson habang tinitimpla ko ang kape niya. Nakaharap siya sa dingding kung saan nakasabit ang iilang letrato namin ni Mama. Mga important event lang ang naroon, kagaya na lang ng first birthday ko, graduations. May baby picture din ako na buhat ni Mama. Batang-bata pa si Mama roon, kaya nga gusto niya iyon i-display sa aming living room, kasi patunay raw iyon na kahit kailan ay hindi niya naranasan na pumangit.
Kita ko siya mula sa kinaroroonan ko kahit nasa kitchen ako at nasa living room siya. Isang diretsong dingding lang naman kasi ang bukas bilang daanan papasok dito. Wala masyadong sulok ang bahay namin. Ang sabi ng land owner ay pampamilyang temo raw talaga ang apartment na ito.
Dala ko ang kape naming dalawa nang lumabas ako sa kitchen
