KASALUKUYANG nasa duyan si Julia sa garden, nakataas ang dalawa niyang mga paa sa gilid ng rattan habang nakasandal ang likod sa kabila. Kandong ang lagi niyang katabi sa pagtulog, si chumchum.
"Pa'no 'pag mag-aasawa na ang Papa mo, Julia, would you allow it? Hindi na ikaw ang apple of the eyes n'ya panigurado."
Laging nagre-rewind ang mga sinabi ni Frenel sa kanya.
Paano nga ba? Kung mawalan na ng panahon sa kanya si Ali, kung hindi na siya ang apple of his eyes? Sa ganda ba naman ng girlfriend nito, sisiguruhin ni Ali na hindi magkulang sa relationship nila para hindi magkaproblema. Paano na siya? Ano ang dapat niyang gawin para mahalin pa rin siya ni Ali, para hindi siya iwanan? She's not even his blood, wala siyang laban.
She could still remember those vague memories, noong bata pa
