Victoria's POV
Naging maayos at mas komportable ang pakiramdam ko ng mga sumunod na araw kasama si Apollo, at wala namang naging problema.
Pero pagbaba ko ng hagdanan umaga araw ng biyernes para sana mag-agahan pero nagulat ako sa nadatnan.
May mga lalaking pumasok sa bahay, may mga dalang materyales tila may gagawin kaya agad ko silang sinalubong.
"Sandali, saan ho ang punta niyo?"
"Ma'am."
Natigilan naman ako nang may isa sa mga bantay na pumasok sa bahay at kinuha ang atensyon ko.
"Mga mangaggawa ho iyan sila, may ipapaayos lang si Sir sa kwarto niya, closet extension ho kaya h'wag kayong mag-aalala may pahintulot ang mga iyan," imporma nito sa akin kaya natahimik ako at napatango na lang.
"Ganoon ba... sige." Hinayaan ko na nga silang umakyat pero may mga bantay na sumunod sa t
