Tintin POV
Maliit na maleta lang ang dala ko na inilagay ko lang muna sa locker room. Ngayon kasi kasi bibista ang buong pamilya Rufino sa Liliw Laguna. Eto yung ipinangako sa akin ni donya Agatha na isasama nila ako. Limang araw na vacation leave ang ipinaalam ko sa hospital. Eto yung sinasabi ni donya Agatha na ipakikilala niya daw ako sa kakilala nitong haciendero sa susunod na bibisita sila sa Laguna, alam ko namang nagbibiro lang siya. Sumama naman ako hindi dun kundi dahil sa pangungulit ni Mutya dahil maganda raw sa farm ng mga Rufino.
Dito nila ako sa hospital dadaanan pagkatapos ng shift ko. Hapon na kami magbi-biyahe dahil ganun din naman ang asawa nitong si Drake na hapon na rin makakalabas ng trabaho. Sa locker room na rin ako nagpalit ng damit. Summer sando at shorts lang an
