RAMDAM ko ang lamig na yumayakap sa aking katawan nang magising ako kinabukasan. Dahan-dahan kong minulat ang aking mga mata pagkatapos ay kumurap pa ng ilang beses para makuha ko ang tamang linaw ng aking paningin.
Una kong nakita ang mataas na sikat na araw mula sa bintana, ang mga Pine trees at ang marahang paggalaw ng mga puting kurtina dahil sa pagpasok ng malamig na hangin sa kwarto. Nakatayo ro’n si Eionn habang nakatalikod sa akin. Wala itong suot na pang-itaas at may kausap sa kanyang cellphone.
“Yes, Dale. After lunch na ang taping,” wika niya at pagkatapos ay bumuntonghininga. “Tell him to f**k off. No, I won’t talk to Lance. He is insane." Hanggang sa lingunin niya ako.
Bigla na lamang kumalabog ang puso ko nang ngitian niya ako. Napalunok ako at napahawak sa kumot na tan
