Napahugot siya ng hininga nang dumako ang tingin ng ginang sa kanya. Kilalang-kilala niya kung sino ito.
"Magandang umaga po Mrs Perez," atubiling bati niya dito. Nanatili siyang nakatayo sa bungad ng pinto.
Ang ginang ay nagpalipat-lipat ang tingin sa kanila ng kanyang anak. Nakaawang ang bibig nito. Kapagdaka'y napatutop sa sariling bibig at lumuha.
"Oh my God!" bulaslas nitong napaluhod sa harap ng kanyang anak at niyakap ang paslit na gulat na gulat. Humagulgol ang ginang. Naluluha rin siyang pinagmasdan ito. Mababanaag sa mata nito ang labis na pangungulila.
Napalingon sa kanya ang anak na may pagtataka sa mata. Matipid niyang nginitian ito. May kung ano sa tingin ng anak niya, nagtatanong. Tumango siya rito.
Sa isang iglap, yumakap na rin ang kanyang unico hijo sa matandang ba
