"Monique, bakit pumayag ka na pakasalan si Ivan? Naku po! Huwag mo akong sisihin balang araw kapag minalas ka, ah. Pambihira ka! Sasayangin mo lang talaga ang buhay mo sa lalaking 'yan! Kung ako sa iyo, pag-iisipan ko munang mabuti bago ako pumayag. Pag-isipan mong mabuti kung pakakasalan mo nga ba talaga siya dahil kapag pinakasalan mo 'yan hinding-hindi ka na makakawala riyan. Para ka na ring ibon na nakakulong sa hawla kapag 'yan ang nakasama mo sa buong buhay mo."
Imbes na kasiyahan ang nangyayari ngayon dahil 'Oo' ang isinagot ni Shaira sa kaniya ay mukhang mauuwi yata sa madugong kaganapan dahil sa isa sa mga kaibigan niya.
Ito kasing kaibigan niyang si Calixto ay kanina pa siya sinisiraan kay Shaira.
Mabuti na nga lang at nakauwi na ang mga taong malalapit kay Shaira bago pa it
