"Ate Yna, ano ba ang pinagagawa ni Ivan?" tanong niya kay Yna dahil tatlong araw nang hindi umuuwi ang lalaking 'yon.
Ang sabi nito ay nagkaroon lang ito ng emergency sa kompanya nito pero inabot na ito ng tatlong araw kung saan ngayon lang nito ginawa.
Gusto niya sana itong puntahan sa opisina nito kaya lang hindi siya pinapayagan ni Yna.
Delikado raw kasi kung bibiyahe siyang mag-isa. Nang sinabi naman niya na samahan na lang siya nito ay hindi pa rin ito pumayag dahil baka raw mapaanak siya sa biyahe.
Seryoso itong tumingin sa kaniya. "May inaayos lang si Kuya, Monique. Uuwi rin 'yon kapag tapos na ang problema niya sa kompanya. Si Ethan nga gano'n din, eh. Alam mo ba na isang buwan hindi umuuwi ang lalaking 'yon kapag nagkakaproblema sa Vnet? Siraulo 'yon, eh!"
"Gaano ba kalaki
