Nadatnan ni Shaira si Ivan na nakatulala habang nakatitig ito sa karne ng manok at baboy na nakapatong sa ibabaw ng sink. Halata sa hitsura nito na hindi nito alam ang gagawin sa mga pinamili nito.
Hindi kasi ito marunong magluto at wala rin itong panahon para pag-aralan ang bagay na iyon pero nitong mga nakaraang araw ay madalas niya itong nakikita na nagbabasa ng libro na may kinalaman sa pagluluto.
"Good Morning, Baby," bati niya rito habang kumukuha siya ng fresh milk sa loob ng refrigerator. Kitang-kita sa mukha nito na namomroblema ito.
"Morning," balik nitong bati sa kaniya na tila wala ito sa sarili.
"What are you going to cook?" Nakasuot na rin ito ng apron kaya alam niyang ito ang magluluto.
"I don't know?" tugon nito pero sa patanong na tono. "Ano ba ang mailuluto ko kapag
