"Baby, ano'ng ginagawa mo?" Naabutan niya kasi si Shaira na naglilinis samantalang ang kapatid niya ay prente lang na nakaupo habang abala sa kakapindot sa cellphone nito. Dinaig pa siya nito sa sarili niyang pamamahay.
"Naglilinis," tugon nito.
"Bakit naglilinis ka? Ano ba ang bilin ko sa 'yo?" Anim na buwan na kasi itong buntis kaya lagi niyang sinasabi na manatili lang ito sa kuwarto nito o 'di kaya'y sa sala at umupo lang. "At bakit hindi ka na lang nag-utos ng tao para gawin ang bagay na 'yan?"
Huminto ito sa ginagawa at parang maiiyak na tumingin sa kaniya. Kapag ganito na ang hitsura ni Shaira ay biglang lumalambot ang puso niya. "Sabi kasi ng mga nakausap kong matatanda, dapat daw maglakad-lakad ako o kaya mag-exercise para hindi raw ako mahirapan sa panganganak."
"Eh, kung ma
