Chapter 18: “Slowly Opening Her Heart”
GUMAAN ang pakiramdam ni Mira nang makaiyak siya sa lalaki kanina. Hinayaan muna kasi siya nito na makapag-isa sa kaniyang kuwarto matapos niyang umiyak rito.
Pakiramdam niya ay talagang planado ng nasa Itaas na magpunta ito roon sa bahay nila para malaman niya ang ibig sabihin ng butterfly na ipinaguhit sa kaniya noon ni Naya.
Kung hindi kasi dahil sa lalaki ay hindi pa rin niya malalaman iyon. Iniisip palang niya ulit ang tungkol doon ay naiiyak na siya pero kasabay no’n ay nagpapasalamat siya na nalaman niya ang ibig sabihin ng butterfly sa palapulsuhan ng kaniyang kaibigan.
Sumulyap muna siya sa butterfly na iyon na iginuhit niya sa may pader at saka lumapit doon para pagmasdan iyong muli. Parang nakikita niya ang kaibigan niya habang nakat
