Chapter 19: “Let’s Be Friends For Real”
TAHIMIK na naghihintay nang umagang iyon si Cem sa may gate ng kanilang school. Hinihintay niya kasi ang pagdating ni Mira. Maaga siyang pumasok dahil masaya ang pakiramdam niya mula pa no’ng araw na nag-umpisa silang gumawa ng research paper nilang dalawa.
Hindi niya maipaliwanag iyong eksaktong nararamdaman niya. Tila ba nagkaroon siya ng kakaibang excitement at mas malalim na rason sa pagpasok para lamang makita muli ang dalaga araw-araw.
Hindi man niya sinasadya na ipaalala pa kay Mira ang tungkol doon sa ibig sabihin ng buttefly ay parang naging daan pa iyon upang unti-unting maging maayos ang pakiramdam nito.
Napangiti siya habang nire-replay sa kaniyang utak ang naging pag-uusap nila no’ng paalis na siya sa bahay nito.
Hindi niya akalain
