Habang tumatagal ay napapansin ko ang pag-iiba ng ugali ko. Napaka-moody ko na! Naguguluhan na rin minsan si Vaughn sa akin dahil minsan ay aawayin ko siya tapos bigla bigla na lang akong maglalambing.
Tang'na. Dapat galit ako sa kaniya at pahihirapan ko siya habang nililigawan niya ako! Sa araw araw ay nagigising akong may breakfast na sa side table at may mga bulaklak pa, at palagi ring may kasamang notes galing sa kaniya at sinasabing siya ang nagluto ng breakfast na 'yon. Masyado na kasi akong mapili sa kinakain ko, e. At mas madalas gusto kong siya ang nagluluto. Minsan aawayin ko siya, tapos bigla nalang lalambingin. Nakakainis na!
Baby, makisama ka naman. H'wag mo naman lambingin ang daddy mo. Dapat si mommy ang sundin mo, at dapat galit galitan tayo ngayon. H'wag mo lambingin si
