Tila hindi makapaniwala si Kaira sa kanyang narinig. Kanina pa iyon sinabi ng lalaki at heto na ngayon sila sa loob ng beach house, sa banyo. Nasa loob sila ng bathtub na may maaligamgam na tubig at nakababad pagkatapos nilang mag-shower para maalis ang buhangin sa kanilang katawan. Nakasandal siya sa katawan ng binatang nakayakap sa kanya na para bang ayaw na siya nitong bitiwan pa.
Hinalikan nito ang kanyang balikat. “Bakit ang tahimik mo?”
“May iniisip lang. Bakit ba kasi? Hindi ba puwedeng maging tahimik ako paminsan-minsan?” Nilingon niya ito at tinaasan ng kilay.
Napatawa ito nang mahina at hinalikang muli ang balikat niya at saka ang kanyang pisngi. “Gusto kong marinig ang boses mo… lalo na ‘yong mga daing mo. Ang sarap mong pakinggan!”
Kinurot niya ito sa gilid pero hindi man l
