Lauren’s POV
Maaga akong gumising ngayon para sabihin kay Kuya Angelo na sasabay ako sa kanya sa pagpasok. Alam kong out of way ang opisina ng Express Love Furniture sa opisina nila ni Daddy kaya inaasahan ko ang pagrereklamo niya, sinabi ko na lang na hindi naman ako mabagal kumilos dahil mauunahan ko pa siya. Sa katunayan ay nakaligo na ako at kakain na lang ng umagahan habang siya naman ay kagigising lang.
“Bakit hindi mo dadalhin ang kotse mo?” tanong niya sa akin na may pagsusungit pa.
“Ngayon lang naman ako sasabay sa iyo.” Iyon ang isinagot ko habang may paawa effect pa na kahit hindi epektibo sa kapatid ko ay isasabay pa rin naman niya ako.
Ang totoong dahilan ko ay ang muling pagkakaroon ng panaginip tungkol sa aksidente na kinasangkutan namin nina Mommy Princess at Lawrence.
