Lumipas pa ang ilang oras at sumapit ang gabi, tahimik kaming kumakain sa mesa ng Mommy ko. Habang kumakain ay hindi ko maialis sa isipan ko si Elvis. Ang awra niya bago umalis ng bahay kaninang madaling araw, kung paano niya ako tingnan noon. Pakiramdam ko ay may takot akong naramdaman, na baka isang araw ay hindi ko na siya makita o kaya't masilayan. Natapos kami kumain at niligpit ko ang pinag kainan, nasa isipan ko pa rin si Elvis at hindi maialis, hanggang sa pagtulog ko ay hindi ko maitatangi na nag aalala ako sa kaniya.
Sumapit ang kinabukasan nagmamadali akong isa-isa binitbit ang naglalakihang mga maleta ko, 'wala na rin kaming madadalang iba pang gamit namin dahil naibenta na iyon ng Mommy ko. Iba ang naging dulot ng pagsusugal sa Mommy ko. Hindi ko rin masisi sa kaniya kung paa
