"May gusto ka pa ba? Ibibili kita," tanong sa akin ni Van.
Umiling ako at ngumiti. Ilang buwan na ang lumipas at nakabalik na ako sa bahay namin. Simula noong malaman ni Van ang tungkol sa dinadala ko'y hindi na siya pumayag na manatili ako sa bahay ni Samantha. Gusto niya raw ako maalagaan. Nakausap ko si Ate Chen, sinabi ko sa kanya ang lahat.
Ang payo niya'y bumalik na ako at ayusin namin ang aming relasyon para sa bata. Ako ang asawa, ako ang may karapatan. Ipaglaban ko raw ang pamilya namin. Pinagbigyan ko si Van sa gusto niyang patunayan. Katangahan siguro para sa iba ngunit kung para naman sa anak ko, gagawin ko ang lahat dahil gusto ko siyang mabigyan ng isang buong pamilya.
Napatigil ako sa pag aayos nang maramdaman ang mga kamay ni Van na yumakap sa akin mula sa likod. Hinawak
