Kumurap siya nang lumingon si Anika sa kaniya at ayain na siyang kumain. Pero dahil okupado na ang lamesa, dinala na lang nito sa kaniya ang plato na may kanin at ulam. Kutsara lang ang ibinigay nitong utensil kasi kailangan daw niya hawakan ang plato niya. Nakailang subo na siya nang lumapit uli ito sa kaniya, may bitbit na ring pagkain at saka umupo sa tabi niya. Pero imbes na kumain ay nakangiti lang itong tumitig sa mga kapatid na maganang kumakain.
“You missed them, huh?” mahinang usal ni Trick bago pa niya napigilan ang sarili.
Marahang tumango si Anika. “Araw-araw,” bulong nito.
Napatitig siya sa mukha nito at parang may pumiga sa sikmura niya. Naalala niya ang sinabi nito sa mga kapatid kanina. Realization washed over him. Lahat ng pagdududa niya sa intensiyon ni Anika sa kanya
