Pabalik-balik ng lakad itong si Dante at hindi mapakali dahil nasa isang kwarto na si Gabriella at nanganganak. Dito lang siya sa kanilang mansion manganganak at tumawag lamang sila ng mag-aanak sa kanya.
Rinig na rinig namin ang bawat sigaw at iyak ni Gabriella. Pati tuloy ako nanlalamig sa kaba. Naiwan lang sa sala sina Percy kasama sina Gabriel at Ligaya.
Maya-maya pa ay nakarinig na kami ng iyak ng bata kaya excited na kinakabahan na kami na naghintay sa labas ng pinto. Bumukas naman ito agad at lumabas ang komadrona.
Nakangiti niyang sinalubong si Dante.
"Nagagalak ako para sa inyo, Ginoo, isang babae ho ang inyong anak," napaiyak naman si Dante sa braso ni Joaquin kaya tinap ko ang likod niya.
Mukhang tuwang-tuwa siya na magkakaroon na sila ng supling ni Gabriella. Pinapasok na
