Dito na rin ako nagpalipas ng gabi sa Isla de Maharlika dahil medyo mataas raw ang alon ngayon ng dagat sabi ni Joaquin. Delikado kung mamangka pa kami pauwi sa siyudad. Doon pa rin ako tumuloy sa bahay na pinagtuluyan namin nina Percy.
Nasa sala kaming dalawa sa bahay na tinutuluyan namin nina Percy noon. Sasamahan niya raw muna ako rito ngayong gabi, pero syempre, magka-iba kami ng kwartong tutulugan. Duh, awkward kaya kapag nasa iisang kwarto lang kami, 'no.
Pero kapag gusto niya, go rin naman ako. Hindi, joke lang. Conservative ' yong mga tao rito. Baka ano pang isipin nila tungkol sa amin ni Percy.
"Ano nga pala ang nangyari sa mga araw na hindi tayo nagkita?" uminom ako ng ginger tea na hinanda ni Gabriel sa amin. Nagpunta siya kanina rito para daw masilayan ako pero pinalayas rin
