"Binibini, patawad. Nahuli na naman ako," yayakapin ko rin sana siya pabalik kaso naalala ko na naman ang paglabas nila ni Criselda na manonood sila ng teatro, kaya kinain na naman ako ng selos.
"Ayos na ako," malamig kong sabi sa kanya at humiwalay sa yakap niya. Umiwas rin ako ng tingin at nilaro-laro ang mga daliri ko.
"Sigurado ka ba, Binibini? Wala bang masakit sa'yo? Nais mo bang kumain?" alalang-alala niya namang tanong sa akin kaya mas lalo lang akong nagtampo.
Kung hindi ka sana sumama sa Criselda na 'yon, edi sana alam mo 'yong nararamdaman ko, hmp!
"Ayos lang talaga ako, Joaquin. Wag ka ng mag-alala," natigilan naman siya dahil hindi 'Lalaki' ang tinawag ko sa kanya at mismong pangalan niya.
"May problema ba, Binibini?" napapikit naman ako at medyo naiinis na sa kakulitan n
