“Sabihin niyo na lang po ay wala sina Sir ngayon. Nasa Batangas,” natatarantang sabi ko. Hindi ako makapag-isip nang maayos dahil kay Don Benedicto. Pangalan pa lang niya ay sapat na upang kilabutan ako.
“Nasabi ko na nga po. Ayaw maniwala sa akin, eh,” sabi ni Manong guard sa akin. Halata maging siya ay na-stress kay Don Benedicto.
“Sino iyan?”
Napatingin ako sa kanya naglalakad siya papalapit sa akin habang nakataas ang isang kilay at hinihintay ang kasagutan ko sa tanong niya.
“Iyong guard po,” panimula ko. Nagdadalawang-isip kung sasabihin ko pa ba kung sino iyong nasa labas. “Nasa labas daw po si Don Benedicto at gusto kayong makausap. Ang sabi ko ay idahilan na lang na wala kayo—”
Inagaw ni Gio sa akin ang telepono na siyang ikinagulat ko kaya’t hindi ko nagawang tapusin pa ang
