Dumudugo ang ilong nito at may sugat ang kanyang pisngi dahil sa lakas ng pagkakasuntok ni Gio sa kanya. Gulat ang lalaki sa nangyari na agad namang nilapitan ng mga kasamahan niya upang tulungang makatayo.
“Putangina mo!” paulit-ulit na pagmumura ni Gio. Akmang susugudin na naman niya ang lalaki nang pigilan siya nina Sir Avi at Sir Hati na naggaling sa hindi ko alam. Lumapit na rin sina Isaac upang pigilan si Gio.
Ako ay tulala lamang doon at nagpapabalik-balik ang tingin kay Gio at sa lalaking napagkamalan kong si Gio.
Nagpupumiglas si Gio ngunit hindi siya binitawan nina Sir Avi at Sir Hati. May ibinulong si Sir Hati rito na siyang nagpakalma sa kanya. Ganoon pa man ay hindi naglaho ang galit nitong mga matang nakatitig sa lalaki.
Nawala ang pagkalasing ko dahil sa nangyari. Para a
