"Oh, bakit nandito ka anak? Hindi ka man lang nagsabi?"
Pagalit na sabi sa akin ni mama pagdating ko ng bahay.
"Surprise?"
"Leche ka talaga!" kinurot niya ang tagiliran ko kaya napa-aray ako. "Sinabi ko sa'yong magpaalam ka kapag uuwi ka. May bisita ako ngayon sa kwarto ko." mariing sabi niya sa akin.
Napakamot ako ng ulo. "Sorry, ma. Nakalimutan ko, ang dami ko kasing iniisip.."
Napabuntong hininga si mama nang makita niya ang pagod kong mukha. Hinila niya ako sa sofa. "Ano bang nangyari sayo? May problema ba sa opisina mo?"
"Wala, ma." pang iiwas ko.
"Hay nako! Pumasok ka na nga sa kwarto mo! Huwag lang lalabas ng hindi mo sinasabi sa akin!"
"Oo na!"
Sumalampak ako sa aking higaan pagkatapos kong ilock ang kwarto ko. Number one rule namin ni mama na magpapaalam ako bago umuwi
