Sa buhay, naniniwala ako na ang lahat ay may kanya kanyang masasayang pagtatapos. Kapag hindi ito masaya, hindi pa ito ang katapusan. Akala ko noon ay magiging walang kwenta ang buhay ko dahil nawala sa akin ang pinakamamahal kong lalaki sa buhay ko pangalawa sa aking ama. Akala ko ay magiging patapon na ang buhay ko, akala ko ay wala na itong landas, akala ko ay mabababad ako sa kalungkutan ngunit ako ay nagkamali. Doon ko napagtanto na hindi pa katapusan ang pagkamatay ni James. Hindi pa iyon ang huling pahina ng aking buhay. Nagkamali ako at inaamin ko iyon.
Ang inakala kong huling yugto ng aking buhayay ang bagong simula ng isang magandang buhay. Nagpapasalamat pa rin ako kay James dahil binigyan niya ako ng isang regalo. Regalo na walang materyal na bagay ang makakatumbas. Regalo
