"Congratulations anak. Masaya kami ng iyong itay na kahit ganito lang ang buhay natin, tinulungan mo ang sarili mo, para makatapos ng pag-aaral. Proud na proud kami sayo." Wika ng kanyang inay, na umiiyak na naman dahil isa si Alex sa mga nagtapos ng kolehiyo sa araw na iyon.
"Proud na proud ako sa iyo anak. Isang jeepney driver lang ang itay mo. Pero heto ako ngayon may isang anak ng tapos sa kolehiyo. Tapos patuloy pa rin sa pag-aaral ang mga kapatid mo." Lumuluha na ring sambit ng kanyang ama.
"Akala ko po ba masaya kayo? Bakit naman po may iyakan pa?" Natatawang wika ni Alex, pero nagbabadya na rin ang mga luha sa mata.
"Congratulations ate!" Sabay na sigaw ni Alexis at Alexandra para batiin siya.
"Salamat kuting, sa iyo din Alexis." Masayang turan ni Alex, bago niyakap ang dalawan
